Arctic Trails; leiðin. Við áætlum 6 vikur í ferðina. Leiðin er um 6200 kílómetrar ,,off road’’. Ferðin hefst formlega við Vesturfararsetrið þann 10. febrúar 2006. Bílarnir verða síðan fluttir til Norfolk þaðan sem þeim verður ekið til Yellowknife sem er við Stóra þrælavatn í The North West Territories í Kanada. Þaðan verður lagt upp í hinn eiginlega leiðangur. Við skiptum ferðinni þaðan í 9 hluta. Fyrst leggurinn er frá Yellowknife og norður til Wrigley, þaðan vonumst við til að frosið breiðstræti Mackenzie river, sem er annað stærsta fljót N-Ameriku, opnist alla leið til Inuvik í óshólmum fljótsins. Svo er haldið í austur um caribo eða hreindýra héruðin til Kugluktuk (Coopermine). Síðan liggur leiðin yfir 37 km sund, Dolphin and Union Strait, á ís yfir á Victoria Island til og þaðan til Cambridge Bay. Yfir Dease Strait til meginlandsins aftur og í suðurátt til Umingmaktok, og áfram til Baker Lake. Loks er farið til Arviat og Churchill við Hudson flóa en á þeim slóðum er mikið um ísbirni. Frá Churchill verður síðan haldið til Gimli. Þar lýkur ferðinni með tilheyrandi hátíðarhöldum.